Thaggu halwaai ka beta Khurafati Sonu
Scene 1
Azad nagar sen. Sec. School
Xth Class me maths teacher naam leker bacho ke 2nd term. Ke result announce kar rhe hn
Ravi..... 100 mese 40 .. pass
Ravi uth kar sheet le leta h
Samir.... 45 ... pass
Gopal.... 42..... pass
Sonu ..... 35 ..... fail !!
Sonu ka dil dhakk..... ye kya hua
Usse apne baap ki yaad aane lgi
Beta aaj to teri dhulaai pakki
"Abbe kahan kho gya... le sheet leja
Apne baap ke sign krwa kar laiyo " teacher chillaya
Sonu ne uthker mare man se sheet le li . Sare period udaas baitha rha .
Ghanti baji .... tannn tannn tannn . Period khatam hua to wo teacher ke piche ho lia .
Sir...sir ...
Kya hai bey ?
Sir.... papa ki dukaan pr kal raat hi taaze gulabjamun baney hain. Sham ko aap kaho to le aau ?
Sir ke muh me paani aagya fir akadtey huey bole .. haan ... thik h thik h...le aaiyo 20 laiyo .. aikdam garam
Ji... ji.. - keh kar sonu wapis class ko mud jata hai .
Scene 2
Sonu ka ghar
Sonu - papa me 2nd term me pass ho gya hu . Master ji ko gulabjamun khila aau ?
Thaggu - arre khush kitta oye !! Ja ja abhi bandh deta hu garmaa garam !
Sonu - 20 bandhna ... bde paitu hn wo . Unko 8-10 se kuch nai hona
Thaggu - haan... le lejaa . Or aaj tere liye bhi gajar ka spcl halwaa bnata hu mavey daal key :D
Sonu khush hoke master ke ghar bhag leta h.
Ting tong ... ghanti bjata h
" haanji ! Kya chahiye ? "
Aik sunder ladki sonu ke samne khadi thi.. sonu sann .
" ji ... wo hari sir .... "
" Haan .. yahi rhte hain ...kya kaam hai ? "
" ye gulabjamun de dena unko .. bolna Sonu ne diye hn "
"Thik hai " keh kar ladki darwaja band kar deti h .
Sonu full ke kuppa ! Yaar !! Ye us gadhey ke ghr....
Ujadey chaman ke yahan gulab !!
Sonu khush hota hua ghr wapis chal padta h
Scene 3
School
Class me maths ki class chal rhi hai.. sonu master ko ruk ruk kar dekhta hai jaise bhuka kutta apne malik ko .
Tann tann tann class khatam hoti hai . Sonu sir ke piche ho leta hai
Sir staff room me jaise hi kursi par baith.te hai
Sir .. keh kar sonu kandey dabaane lagta h
"Kya hai bey ! "
"Sir ... Gulab jamun kaise lage ?"
" Haan haan achey they "
"Sir .... sir... mai keh rha tha ... mere thode number badha dete ... to ..."
"Abbe chal marunga chadi se ... ja yhn se !! "
"Sir .. suno to ! " or kandhe jor jor se dabate huey sonu minnat karta h
" sir ... plz .... plz 4-5 number me kya jayega ... aap bolo to apke liye halwa banwa lau... man jao na sir ! "
Teacher ke muh me paani aaya " chal thik h ... badha dunga .. par kisi se kahiyo nai ... wrna saale maar maar ke murga bana dunga ! ... or haan kal aik kilo le aaiyo .. gher pr samjha !! "
" ji ... ji bhot badhiya " sonu khush hota hua class wapis ho leta h
Uski aankon me to sir ki beti ki foto tair rahi thi ...
Yaar..... kl jaunga to uska naam pataa karke hi aaunga
Agley din Sonu jldi uth kr ftafat tayaar hua or hath me
moongdal halwa liye master ji ke gher ki taraf chal dia
Raste me ik gulab dekha to tod lia or apni shirt me chupa lia
'TING TONG ' ganti bajai
"Arre tum .. ! " ik surili aawaj ne sonu ko hila dia ..
"Ji ..... ye aapke liye " or kehte hue usne halwa de dia... or jaise hi shirt se gulab nikal ke dene lga to awaj aayi
" kon hai tannu ?? " masterji piche se bolte hue darwaje tak aa gye
Tannu unko dekh ke piche huii or boli " apka student aaya h "
Masterji ne gulab dekh lia bole " oye ye kiske liye hai !!! "
" ji... ji .... arrrhh aapke liye teacher,s day aa rha hai na " jabarjasti muskuraya sonu
" thik hai .. jaa tu school jaiyo seedha ! Warna aate hi teri class lunga " teacher ne gulab le lia or dhadaam se darwaja band kar lia .
Sonu socha ... abbe yaar , aaj to gya tha ... meri hi arthi pe gulab chad jata ... par kuch to karna tha ... hmmm tannu <3 ..
Uska dil ye naam sochte hi or dhadakne laga ... class me baitha par padhai me dil kahan tha ..
Pehla nasha pehla khumaar
nayaa pyar hai naya intzaar
Karlun main kya apna haal
Aie dile bekaraar mere dile bekaraar
Tu hi bataa <3
Jaise duniya rangeen ho gyi thi or sab slow motion me chal raha tha
. Usne tannu ka school pta laga lia tha chutti hone pr gate pr pahuch bhi gaya tha . Intzaar... intzaar
Wo nazar aayi .... fir dil me laddu footne lage ....
Par ye kya ! Wo thodi duri par khade ik bike wale ko dekh kar muskurai .. or pass ja ke kuch bol ke bike pr baith gyi or ... furrr
Sonu ka dil tut gaya :( .... isse acha me fail hi ho jata
Itna dard tab nahi hua jitna aaj hua
Tuta dil leker jaise taise ghar aa gya
Class me ladke usse poochte " abbe kya huaa h ... muh latka ke rhta hai ! kya chakkar hai ? "
" kuch nai yaar :( .... wo masterji ki ladki hai na ... wo "
Ohhoo ... abbe tu bhi khn dil lagaa baitha ... tu bhi na ... wo to phle hi kisi ladke ke sath h
Wo Adarsh nagar ke public school ka londa "
Sonu " hmmm... janta hu dekh chuka hu "
" tabhi ... ! .. arre chor.. ladkiyo ki kys kami h humko ? " keh ke dost chla gaya
Par dillagi kahan choot.ti hai
Din mahine aise hi jate rahe .. Final exam huey or jaise socha tha ... sonu fail ho gya
Sonu ke pitaaji chillaye " arre itne maal khilaye fir bhi fail kr dia us master ne !!! Awara tu bhi to mehnat nai karta !
Chal ab kal se dukaan par baith mere bas ki naa hai or paiss funku.
Sonu ko man maar kar pitaaji ki baat maan.ni hi padi . Agle din se dukaan jana shuru kia. Poori dukan rang birangi chashni se lipti mithaiyon se bhari padi thi par sonu ka dil uchat ho chuka tha . Uske dilo dimag se tannu jati hi nahi thi . Bas saman dena paise lena .. sham ko hisaab pitaji ko de dena .... yahi routine ban gyi .
Ik din jab aise hi dukan par baitha tha to ik surili aawaj uske kaano me takraai
" suniye ! Ye chamcham kaise di ? "
" ji.... 80 rupiye kilo " sonu ko dhyan aaya .. arre ye to pados wale sharma uncle ki beti mannu h
Wao badi cute h ... meri nazar kyu nai padi ab tak isper !! Issi hairani me tha ki wo boli
" ok ... 1 kilo tol do pls " or muskurate huey usne sonu ko paise thama diye
Sonu ne bhi fataafat chamcham toli or dibbey me pack kar ke mannu ko de di .
Mannu Thanx bol kar muskurati hui chali gayi or sonu ke dil ka guitaar firse bajne lagaa . Tannu nahi to mannu hi sahi
Usse ehsaas ho rha tha jaise ik nayaa mausam uski zindgi me dastak de gayaa hai ♥
◇ ♥◇ THE END ◇♥◇
टिप्पणियाँ